قصيدة الخاتم تعارف فراق رسالة ثم ندم

اليوم احضرت لكم قصيدة رائعة باللهجة الجزائرية
هي طويلة نوعا ما لكن لن تندمو لقراءتها ااكد ذلك
ارجو ان تنال اعجابكم
و انتظر ردودكم بفارغ الصبر

قصيدة الخاتم
تعارف فراق رسالة ثم ندم

الخاتم 01
التعارف
لله مـاتلـــومنيش يا لخاتم مـاجات منـي لا منـها هي
احنــا فراقنا كـان محــــتّم مـكتـــوب عـليـــها وعلّـيا
ابقى غير فصبعـي دايــــم مـادمـت حـاجـة منـها هي
غيركي تشوف هكذا تفهم بلّـــي مزالها عزيزة عـليا
مازال نبغيها وربي عــالم ومـــزال هـــي فقلبي حية
وغير انت وحـدك يالخاتم الـــــي تقـــدر تشهــد عليا
انت الي كنت معـــايا دايم كنت فصبعي صبح وعشيا
خصارة لوكان جيت تتكلم تروح لعندها تحكيلها عليا
قوللها شحــال راني نتالم ومهاذ دموع اديلها شـويا
تحطهم فعينها بلاك تتعـلم تبكي وتفرغ هــــــم الدنيا
ماكنتش قاع فروحي نخمم كنت نخمم غير فيها هي
كنـــــت نخدم وغير نخدم الليل والنـــهار تحاماو فيا
وين نصيب دورو نــزدم المهم الـــــــــخبزة حلالية
كنت نبنـــي نطــلّع ونهدّم فحســــــابات ماهمشي ليا
ولحكاية كامل كــــانت لتم فوالديها واش شرطو عليا
والله مانـي عليك يا لخاتم انت زدتك من عـندي هدية
شروط اخرين حبوهم تمتم وغير الحــــاجة الفــولانية
قبلت الشــرط كــان محتّم ومــا حسوا بيا غير والديا
بديت نجري بديـــت نلايم وبدات الدنـيا تضــــلم فيـــا
وانا عمري ما كنت ظالم نحب نــمشـــــي غير بالنية
قلت نخرجها بـــلاك تفهم تحس بعذابــــي وتحس بيا
ماكـــــانتش تحوس تفهم كـــــانت الطفــــلة زهوانية
اعلى الناس تحب تتـــكلّم غير مالجيـــهة الفوقــــانية
عندهــا الدنيا غير دراهم وما تهمهــــــاش اللخرانية
هي تضحك وانا نتبّســم وغير نغمض فــــــي عينيا
بــــاش الدمعة تقعـد لتّم ومـــــــــاتهبطش قدامهاهي
زادت قــــاتلي بلي لازم ما نسكّنهــــاش مـع والديا
مزيا كنت نعرف نـرسم التبســـــيمـــــات فـي عيـنيا
شحال مراسم دخـلنالهم تاكل وتشرب وتـعرض فـيا
ولاعمرها تحوس تفهم شحــــــال عنـــدي في يـديا
لتم بالذّات بديـــت نفهم بلي الدنيا شــــــــــافتـها فيا
هاذ الطفلة راهي تحـلم وحطــــت كل أحــــلامها فيا
بغات تعيش بغات تتنّعم خـــــــافـــت تعــــيش زواليا
المهم انـــا درت اللازم خدمت وشمّــــرت على يدّيا
لكني مالحقتش يا الخاتم حتى هي مرقتـها شويا
لتما شفت بلـــــي لازم تريقي ماهيش تريقـــها هي
لله ماتلومنيش يالخاتم مـاجات منــي لا منـــها هي
احنا فراقنا كان محـتّم مـكتـــوب عـليـــها وعـــلّـيا

قصيدة الخاتم 02
الفراق
لله ما تلومنيش يا الخاتم ماجات مني لا منـــها هيا
حنا فراقــنا كـــان محتم مكتــــوب عليـــها وعلّـــيا
الي بنيـــــناه كلّو تهدم ومن نهار الي راحت عليا
وانا قــــاعد غيـر انخمم بـــــزّاف فــــراقها أثّر فيا
يالــــخـاتم وليت متشاءم وليــــت نكــــره كل الدنيا
ما وليــــتش حتـى نتكلم وزدت حيرت معايا والديا
والخدمة ماعدتش نخدم الماكلة ولات سامطة عليا
تقدر تقول وليــــت بنادم غير زيــــادة في هاذ الدنيا
يالخــــاتم... راني نتــألم مانيش فاهم ڤــــاع وش بيا
ساعات نقول راني نـادم كي خليـــــتها راحت عليا
وساعة نقول وقتا نتعلم بعد الشّــي الي دارتـو فيا
وعلاش راني فيها نخمم وهي ما علا بالهـــاش بيا
لتم يالخــــاتم كـان محتم باش انحيـــــك مـن يــدّيا
نحفر حفرة ونحطك لتـم وما تبقاش تفــــكـــــر فـيا
نحيتك، ومـــازال نتألم مزال هي فــــي قلبي حيـة
مزال نحبها وربي عالم ومزال خيــــــالها يتـبع فيا
وين نروح نلقـــــاها لتم فكل مكــــان في هاذ الدنيا
الي نشوفها فيـــها نحكم من بعد نلقاها مــاشي هي
كيفاش ندير قولي يالخاتم لخيوط كامل تخلطوا عليا
وهـي درك... الله اعـلـم ايلا مازالها شـــافية علـيا
ساعات نقول نعاود نتقدم بلاك تعـــاود تـــــوّلي ليا
بلاك عوّلت باش تتسقــم وتعود تفهمني وتحـس بيا
وساعة نخاف نولي ونندم ويزيد يعاود يصــــرا فيا
كيما صرالنا آه يا الخاتم فـــــالخطرة اللّــولانيـــة
ساعات نقول نبقى صايم ملنزيد نعرف بعدها هي
والنسا ما نزيدش انامنهم نعيش وحدي فهاذ الدنيا
من بعد نقول لالا يالخاتم هـــاذ الشي حـــرام عليا
صلـــــى الله عليه وسلم كان نهانا عن الرهبـانية
وهكذا لبنـات ربي خلقهم ما يتشــــابهوش فالعقلية
كل وحدة كيفــــاش تخمم وماشي كامل كيفها هي
كاين الّـي تحب الــدراهم وتحب واحد كاسب دنيا
ولوخرا تقـــولك... المهم غير يحبني ويحـّــس بيا
وكاين الي تحبـــك تخدم غيــــــر الخدمة الفلانية
ولخرا تقول المهم فـــاهم والصح كــــامل فالعقلية
وهاذي تحب واحد ملتازم بالمضاهر الخــــارجية
ولوخرا تقولـــــك المـــهم هي الاخـلاق والتربية
وكاين وكاين وكاين يالخاتم كاين بزاف بنات فاميليا
وكاين الّـــــي ربي يهديهم راهي غارتهم هاذ الدنيا
المهم والله راني فـــــاهم راك زعفان شـويا عليا
كي نحيتك وحطيـــتك لتم الله غـــالب ماشي بيديا
حتى انا رانـــــي نتـــــالم والوحدة راهي تقتل فيا
ومادا بيا نكــــون مـــلايم ونديـــــر دار او ذرية
ودعيت ربي وانا قـــــايم نلقى وحدة الي تليق بيا
وحدة ترضى بيك يالخاتم ويرضاو والديها ووالديا
والحــاجة اللّـــــولة المهم انو ربـــــي يرضـا عليا
بـــــاش نجي نجبدك ملتم ونعاود نديـــرك في يديا
لله ما تلومنيش يا الخاتم ما جات مني لا منها هي
احنا فراقنا كــــان محتم مكتــــــــوب عليها وعليا

الخاتم 03
الرسالة
لله ما تلومنيش يا الخاتم ما جات مني لا منها هي
حنا فــراقنا كـــان محتم مكتــوب عليــــها و عليا
يا الخــاتم مانيـــش فاهم ويلا فهمــتـــني مادا بيا
تقولّي نبكــي و لا نتبسم و لا نضحــك مــن عينيا
وش ندير قوللي يالخـاتم مـــــــاذا بيــا تدبّــر عليا
أسمع مليح من بعد أحكم راني جايك غير بالشوية
كنت كيما العـــادة هــايم و لما دخلت للدّار لعشية
لقيت بريـــا قريت الاسم حسّيـت الدنيــا دارت بيا
... باسم الله نرفـــــع القلم والصلاة على خيرالأنبيا
صلّـى الله عليـــه وسلم قلــت بالاك مــاشي هي
ما كــــانتش هكـذا تتكلم راك تعـرفها زهـــوانية
ياك ما تحبش حتى تتعلم نجي نعلمها تضحك عليا
لتم هبّطــت عيني تم تم سبحـان الله أسمـــها هي
يا الخاتم كتبتلي كــــلايم هلكــوني وكمــــلوا عليا
قاتلت ربي سبحانو يعـلم كامل الشي الي صرا بيا
ملي خطيتك وأنا نتــألم ومانشفوش دموع عينيا
تفارقنا في جال الدراهم اعلى جـــال خماج الدنيا
خاطر قليل او منعــــادم وحتى والديــــك زوالية
تبّعت النـــاس وسمعتلهم او من بينهم حتى والـديا
نشالله ربي يســـــامحلهم هوما كــانوا يدبروا عليا
وأنت عييــــت فيّـا تفهّـم حتى حاجة مـا نفعت فيا
قلت لي بلي الدراهـم هَم شوفي النـاس ألي أغنيا
كامل ربي واش عطاهم ماشي مهنيين فهاذ الدنيا
ديما بعاد على بعضاهم وأنا عــــايش مع والديا
اللي كاين نقسمو معاهم ولما نطوّل يتقلقـوا عليا
فرح وقرح ديما معاهم وهكذا رايحة تكوني نتيا
لمّـــا كنـــت هكـذا تتكلم نقول راه غير يصبر فيا
هاذ الإنسان راهــو يحلم وأنا إنـــســـــانة واقعية
وفـــذوك ليّــام ليا تقدم واحد خطبـني من والديا
وليد ناس لا بــاس بيـهم طمّعوني فرّشولي زربية
كانوا يحكولي على وليدهم وش كـــاسب فهاذ الدنيا
قعدت شحال وأنا نخمــم وأنت ماكنتش فـايق بيا
لتم بديت نقارنك بيــــهم لقيتـــك بزاف بعيد عليا
أما وليـدهم كان كل دايم يجي للدار يجيبلي هدية
وش مذهب وش مدراهم تقدر تقول عمـالي عينيا
ودركا نظن راك فـاهم علاش ما قبلوكش والديا
لتمّــا شفـــت بلّــي لازم نشوف الّي يخرج عليا
قررت باش نخّبي الخاتم او نحّيتو من يــــــــدّيا
وتفـــــارقـــنا أو ملتــم بقات صورتك بين عينيا
ونسمع غير فزوج كلايم لمّــــا قلت لي أنا ونتـيا
صرالنا كيما حواء وآدم لمّا بليس ما قدرش عليا
قـــــالك لازم انفـــــرّقهم امالا دار ليــــــــك نتيا
وعمالك عينيك بالدراهم وشهدت معاه حتى الحية
الناس الّـــي الله يهــديهم أثروا فيــك وماشي فيا
خرجت كيما كنـت تخمم بصّح أنـــا بــــالنسبة ليا
قلت حققت ما راني نحلم فـارس أحلامي طل عليا

الندم
تزوجت بيـــه او ملتــــم بدات تتبـــدل العقـــــلية
وكل ما كنت معاك نتعلم عشتو او شفتو بأم عينيا
وليت زوجتو غير بالاسم او ما يحسش كــامل بيا
نهار كــــامل و هو يخدم ومـا يسقسيش حتى عليا
ما فهمتوش كيفاش يخمـم مـا عندوش كامل عقلية
نهار كــــــامل و هو هايم او يدخل سكــران لعشية
ولما يصـحى يولي يخدم ولا تصيبـــــــو يدي فيا
عند ناس نـــــاكلوا معاهم ناس في غــاية الأهمية
ولا عمرو أداني لــدارهم ولا أدانـــي لدار والديا
يدينـــي غير وين الدراهم عند العــــــــائلة الفلانية
ولما نولـــــــو يبدى الهم يرد زعـــــافو كامل فيا
تلقاه غير يشكرلي فيــهم و أنا زوجتــو يعاير فيا
لتم نتفكــــر و نبدى نخمم لمـــــــا كنت تحوس بيا
نتفكر الجوايه الي زرناهم أو نتمشى علــــى رجليا
الناس كامل نقعدوا معاهم مرفهيـــــــن ولا زواليا
أنت مـــــاكنتش بيا تحشم بالعكس كنت تفتاخر بيا
خلّـــــــي نكملـــــك المهم الدنيا كيفاش دارت عليا
لحقت نخمم نشــرب السم أو نتهـــنا من هاذ الدنيا
شحال وشحال وأنا نلايم زاد رفـــد يديــــــه عليا

روووووووووعة او بالأحرى اكثر من راااااائعة...

الفراق ... حزن كلهيب الشمس يبخر الذكريات من القلب ليسمو بها
إلى عليائها فتجيبه العيون بنثر مائها .. لتطفئ لهيب الذكريات ..
الفراق ... نار ليس للهبه حدود .. لا يحسه إلا من اكتوى بناره..
الفراق ... لسانه الدموع .. وحديثه الصمت .. ونظره يجوب السماء ..
الفراق ..هو القاتل الصامت .. والقاهر الميت .. والجرح الذي لا يبرأ .. والداء الحامل لدوائه ..
الفراق ... كا الحب تعجز الحروف عن وصفه وإن أبيني تفرقا..
الفراق .. كالعين الجارية التي بعد ما أخضر محيطها نضبت ...
عند
الفراق .. أجعل لعينيك الكلام فسيقرأ من احبك سوادها .. وأجعل وداعك لوحة
من المشاعر يستميت الفنانون لرسمها ولا يستطيعون ... فهذا أخر ما سيسجله
الزمن في رصيدكما ..
وبعد
الفراق ....لا تنتظر بزوغ القمر لتشكوا له الم البُعاد .. لأنه سيغيب
ليرمي ما حمله ويعود لنا قمراً جديد ..ولا تقف امام البحر لتهيج أمواجه
وتزيد على
ما ئه من دموعك لأنه سيرمي بهمك في قاع ليس له قرار ويعود لنا بحر هادئ من جديد ..
وهذي هي سنة الكون....
... يوم يحملك ويوم تحمله .......
لم لا ترخي ستار الأمل.. وتودع الماضي بلا أمل للعودة ..
لم لا تكون كالقمر أو مثل البحر .. تلقي بهمك لا تلقي له بالاً .. فتعود
لترى كيف تعزف الأيام لحنها على نغمات مستقبلاً واعد .... فإن كنت فارقت
حبيباً لا تظن انه سيعوض .. فالكل يرى حبيبه مثل ما أنت تراه .. فالدنيا
وإن خلت من الأحباب بعينك.. فهي بالبصيرة ملئيه .. فبحث مثل بحثك مسبقاً
وستجد من يوازي حبيبك ويربوا عليه .. فلا تقف عند حداً والحياة بلا حدود
.. الكل يسعى وأنت مكبلاً نفسك بالقيود .. فتسعد غيرك وأنت شاقي وتضحك من
حولك وأنت باكي ..
فتكون ممن قال فيهم الشاعر :
وأسعدت الكثير وأنت تشقى * وأضحكت الأنام وأنت تبكي

فإذا أصبحت عش تحت شمس يومك ولا تلتفت لأمسك لأنه قد خيم عليه الظلام ..
وفكر بيومك وغدك .. وإذا أمسيت عش تحت ضوء قمر ليلتك ولا تلتفت لشمس نهارك
لأنها رحلت وحل محلها الظلام ..
تقبلــــــي مرووووري...اختك *sousou*
[ندعوك للتسجيل في المنتدى أو التعريف بنفسك لمعاينة هذه الصورة]

سوسو ارجعتي في الروح بردك شكرا لك
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

شكرا حسووووووووووني

انت الرائع

[ندعوك للتسجيل في المنتدى أو التعريف بنفسك لمعاينة هذه الصورة]

سيدتي..
تتراقص الحروف بين اناملكـ طربا
وتتبلور الكلمات حزنا وفرحا
ما زال متصفحكـ عنواان الجمآآل
ورمز لرقه
وما زلت استلذ بحروفكـ
واعيش معانيها
زهـــــــــــرهـ
صح السآآنكـ
وداام نبضكـ
ابياات رائعه بروعتكـ
تقبلي مروري
مع تسجيل اعجاابي بهكذا متصفح
لكـ خآلص مودتي
وعبير احتراامي[i]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]